Büttenrede: Unsere Lehrkräfte

Büttenrede aus der Prunksitzung der RS

[HIDE]Hallo, du Narr mit Närrin da,
hallo Frau Schönauer mit Lehrerschaar.
Gegrie߸t wern ach und das net wenisch
unser Ehregast des Walter Paul un de Alfons Denig.
Hallo ach ihr annre Fasnachtsleit
un herzlich willkomme zur Narrezeit!

Jetz her isch mol uff mit denne Begrie߸ungsworte
un bericht emol üwer die Schul un ihre Konsorte.
Was do Kaote üwernannersetze,
des schmerzt am Verstan un ach am Herze.
Ob Mathe, Deitsch orrer Geschichte,
üwer jeden Lehrer kann mer was dischte!

Mit Brom, Kalk un Chlor, do kennt se sisch aus
un holt aus ihre Versuche manch Wunner araus.
Un bei Explosione, do rennt se schnell fort,
des kann se jo gut, sie unnericht jo a Sport!
Es kennt se jeder, sie iss jo bekannt
un werd vun uns all kurz ‚Brü‘ genannt!

Es Aug vom Rind in die Bestandteile zerle,
is bei de Frau Bussweiler trotz dem Gestank ach noch recht schee.
Doch kumme mer an die Hypophyse un ihr Hormone,
do tut sich ihr Arwed als gar nimmi lohne.
Denn manche sinn vun ihre Hormone zur Zeit so gestehrt,
als het mer se in de Schul noch nie was gelehrt.

Le bouef de Ochs, la vache die Kuh.
die Frau Stutzmann vezehlt un es hert doch kenner zu.
Doch mit Witz un Courage rennt se durch de Saal,
un macht aus dere Französischqual e Stun à la Marke super,
très bonnne, ihr siehn, Leit ich kanns jo schunn.

Deitsche Sprak, schwere Sprak,
die Frau Blumann weckt in Deitsch de letschte faule Sack.
Un es Hochdeuutsch von uns wird bei ihr wohl betont ...
dodevorr werr mer dann mit Lektüre un Analyse belohnt.

Wer hot bei uns a beautiful face?
Es is die Frau Bogler ... dank Beauticase.
Sie hot ach noch manch annere Dinge,
wie Handy, Kett und tausend Ringe.
Wann die an de Männer vorbei laaft, duhn die zwar peife,
doch mich wunnerts, dass der ihr Hänn noch net uf em Borre schleife.

De Werner is unser Mathe Genie,
doch er sat ständisch mer lowen ne nie.
Ohr ich hon mich bei seinem Stick ball kabbutgelacht
un sa jetzt endlich ‚Herr Schott, das hon se gut gemacht!!‘

De Zimmer Klaus, der is a Wunner,
die Tonleiter nuff un die Tonleiter nunner.
Dere hert uns ab in aller Ruh
un macht dodebei selten sei Kullie zu!
Un molt als wann ers net besser wischt
ä Strich nom anner in sei Gesischt.
Mer guggen dann doof un lachen all,
des sieht nämlich aus wie a Bild vom Chagall!

Mim Herr Vogel, ihr Leit, do hann ich mei Spa߸
bei dem wer ich nämlich immer nass.
Es vegeht net a stunn, wo der net spuckt
un mer bei jedem Drobbe zammezuckt.
Doch ich bin net blöd, ich honns im Gehernche,
ich zück dann schnell mei Räescherrmsche.

Handstand, Reck und Volleyball,
in dere Beziehung bin ich a hoffnungsloser Fall!!
‚Sport is Mord‘ sa ich so frei,
doch bringen se das mo em Herr Kinner bei!
Ich hon doch schun genügend Sport am Dag,
wann ich mich moiens aus meinem Bettche plag!

Jetzt kumm ich noch zu em kerl, des is a Kaliver,
sei Lieblingssprcuh war immer ‚ Hallo mei Liewer‘!
Es unser Klasslehrer, unser alder,
wissener wers is?
Es is Schafe ihr Walter.
Mer hattene gern, mer vermissene all,
er hot uns beruflich wie privat gut gefall.

Doch ich hoff das wird jetzt net missverstann,
weil jeder Lehrer doch noch was kann.
Die gewen sich Mieh un wern’s niemols leid
un machen un fers harte Läwe bereit.
Jetzt sa ich tschüss, das wars nun von mir,
un Audogramme gibt’s später an de Eingangstür!

HELLAU!!!

Quelle: http://www.penne-online.de/penne/nr4614.html[/HIDE]

[700000279]

Da bin ich neugierig... :-)

[Weinliebhaberin]

Huhu!
Bin neu - und neugierig :;-)